ປະຫວັດຄວາມເປັນມາ

ກ່ອນທີ່ຈະກໍ່ຕັ້ງເປັນ ບໍລິສັດ ສະກາຍ ວີຊັນ ສົ່ງເສີມກະສິກໍາ ຈໍາກັດຜູ້ດຽວ ຜູ້ອໍານວຍການບໍລິສັດ ກໍ່ຄື ທ່ານ ນາງ ນະພາພອນ ວົງຈຽງຄໍາ ແມ່ນໄດ້ເລີ່ມເຮັດທຸລະກິດ ການຜະລິດ ກະສິກໍາແບບຄອບຄົວ ເຮັດກັບຄອບຄົວ ນັບຕັ້ງແຕ່ປີ 2009 ຫາ 2014. ມາເຖິງປີ 2015 ໄດ້ເປີດ ບໍລິສັດ ສະກາຍ ວີຊັນ ຂາອອກ-ຂາເຂົ້າ ຈໍາກັດຜູ້ດຽວ. ເພື່ອນໍາເຂົ້າເຄື່ອງມືການຜະລິດ ແລະ ນໍາເຂົ້າສິນຄ້າເຄື່ອງອຸປະໂພກ-ບໍລິໂພກ ເຂົ້າມາຈໍາຫນ່າຍພາຍໃນ.

ມາເຖິງວັນທີ 26/06/2018 ໄດ້ສ້າງຕັ້ງ ບໍລິສັດ ສະກາຍ ວີຊັນ ສົ່ງເສີມກະສິກໍາ ຈໍາກັດຜູ້ດຽວ. ສະຖານທີ່ ຕັ້ງຢູ່ ເສັ້ນທາງ ສາລາຂຽວດົງຈອງ ເລກທີ 38 ຫຼັກ 8 ໃຕ້ ບ້ານຫົວແຊ, ເມືອງບາຈຽງ, ແຂວງຈໍາປາສັກ. ມີທຶນຈົດທະບຽນ: 4,577,120,000 ກີບ (ສີ່ຕື້ຫ້າຮ້ອຍເຈັດສິບເຈັດລ້ານຫນຶ່ງແສນຊາວພັນກີບ) ໂດຍ ນາງ ນະພາພອນ ວົງຈຽງຄໍາ ເປັນຜູ້ອານວຍການ ແລະ ເປັນຜູ້ກໍ່ຕັ້ງບໍລິສັດ.

ວັນທີ 08/04/2019 ໄດ້ເປີດຕະຫຼາດຄ່ຽນຖ່າຍສິນຄ້າກະສິກໍາ ເພື່ອແພັກ ແລະ ຄັດຈ້ອນກ່ອນສົ່ງອອກ ຂາຍໄປຕ່າງປະເທດ (ປະເທດໄທ) ຢູ່ທີ່ບ້ານວັງເຕົ່າ, ເມືອງໂພນທອງ, ແຂວງຈໍາປາສັກ. ເລີ່ມມີການສົ່ງອອກຂາຍພືດຜັກກໍາສິກໍາໄປຕ່າງປະເທດ ປີ 2019-ປັດຈຸບັນ.

ວິໃສທັດ ແລະ ພາລະກິດ

ບໍລິສັດ ສະກາຍ ວີຊັນ ສົ່ງເສີມກະສິກໍາ ຈໍາກັດຜູ້ດຽວ ສ້າງຕັ້ງຂື້ນເພື່ອສະຫນອງ ແລະ ສົ່ງເສີມຊາວກະສິກໍາ ທີ່ປູກພືດກະສິກໍາພາຍໃນປະເທດ ໂດຍມີຕະຫຼາດຮອງຮັບການຈັດຊື້-ການສົ່ງອອກຜົນຜະລິດກະສິກໍາ ທີ່ພຽງພໍ ແລະ ໄດ້ລາຄາທີ່ສູງ, ເພື່ອຊຸກຍູ້ ແລະ ສ້າງລາຍໄດ້ ໃຫ້ຊາວກະສິກໍາ ໃຫ້ມີລາຍໄດ້ທີ່ເພີ່ມຂື້ນ. ນອກຈາກນີ້ຍັງໄດ້ ສົ່ງເສີມທາງດ້ານແນວຄິດໃຫ້ແກ່ຊາວກະສິກໍາ ໂດຍການລົງໃຫ້ຂໍ້ມູນ, ວິທີການເພາະປູກ, ການບົວລະບັດຮັກສາ ຕະຫຼອດຮອດການເກັບກ່ຽວ ໃຫ້ມີຄົນນະພາບ, ມີຄວາມສະອາດປາດໄພ, ມີມາດຕະຖານສູງ ແລະ ເພື່ອຂະຫຍາຍ ສິນຄ້າກະສິກໍາ ຂອງ ສປປ ລາວ ໃຫ້ເປັນທີ່ຮູ້ຈັກ ແລະ ເປັນທີ່ຍອມຮັບຂອງຕະຫຼາດຕ່າງປະເທດ.